禁毒署專頁帖文指，警方同海關近期展開多次行動，發現市面上一啲CBD(大麻二酚)產品，包括之前喺大型連鎖店售賣嘅CBD產品，都有毒品THC (四氫大麻酚)。呢啲產品包括精油、護膚品、寵物用品同食物等等。用咗呢啲產品，分分鐘吸收埋THC呀！

基於公眾健康和聯合國現行規管要求，政府不會將大麻合法化。而根據法例，THC不論濃度，一概係毒品，受到嚴格管制。CBD亦係由大麻提取，喺製造過程中，難免可能會提取到屬於毒品嘅THC。我哋而家計劃將CBD納入《危險藥物條例》管制，保障市民健康。立法之前，執法部門會繼續針對CBD執法。如產品含THC，隨時會被告。